MSANII MEDALLION APATA AJALI

 Msanii mkali na pia mshindi wa tuzo za Kilifi Got Talent,Medallion ahusika katika ajali ya barabarani.Muimbaji huyo,kulingana na habari zilizofikia meza yetu ni kwamba alikuwa ametoka kupiga show mjini Watamu mnamo siku ya Jumapili tarehe 28 na alikuwa katika harakati za kurudi nyumbani.Baada ya kupiga show Watamu ,Medallion aliabiri pikipiki ili kufikishwa Gede ambapo angepata usafiri wa kumfikisha Kilifi kwenye makaazi yake.

Ajali hiyo imeripotiwa kutokea maeneo ya Gede wakati dereva wa pikipiki aliyokuwa ameabiri msanii huyo aliposhindwa kudhibiti mwendo alipofika kwenye tuta (bump) .Akiambatana na Medallion alikuwa msanii mwenza Fikreen Mafito ambaye alikuwa ameabiri pikipiki nyengine.Msanii Medallion aliharakishwa zahanati ya Gede ambapo baada ya kupata huduma ya kwanza msanii huyo alipelekwa katika hospitali ya rufaa mjini Kilifi.Wasanii ambao wameweza kufika hospitalini humo kumjulia hali ni pamoja na Producer wake Dhilly Dhilly,Crash V, Lemmy K na wengineo.NuktaSaba inamtakia Medallion afueni ya haraka ikikumbukwa pia Msanii wa Hip Hop kutoka Pwani ya Kenya, Malindi, Fash P pia anaendelea kuuguza majeraha baada ya kuhusika kwenye ajali ya barabarani pia.Tunawaombea afueni ya haraka wasanii wetu!