KINAYA CHA STARDUST MALINDI

Msanii mkongwe wa mziki wa aina ya Kaya HipHop mjini Malindi,Mitaa Kisauni adhihirisha kutoridhishwa kwake na mipangilio ya burudani ya ukumbi wa Stardust mjini humo.Mitaa amezungumzia haya baada ya kuona mabango mengi ya wasanii wa nyumbani kuwa wanapewa nafasi za kutumbuiza mahali hapo .Kuna wasanii kama vile Shabigy,Angie Fresh,Dotty Shuqx,Dogo Richie na wengine wengi ambao wengine wameshafanya kazi zao hapo ilhali wengine wakiwa wameratibiwa kutumbuiza pia.

Kulingana na Mitaa, anasema Stardust imekuwa na historia ya kuwapa shows wanamziki wa nyumbani wakati wa kusi ,muda unaoaminiwa na wengi kuwa pesa hupotea na biashara huwa chini sana.Ingekuwa kweli viongozi wa Stardust wanasapoti talanta za nyumbani na kuwa na moyo wa kuwaendeleza wasanii wakizingatia kuwa sanaa ni ajira basi wangekuwa wanawapa wasanii hawa shows kuanzia mwezi wa nane mpaka mwezi wa kumi na mbili wakati huwa season iko juu na pesa ipo lakini utakuta show za wasanii wa nyumbani nyingi huwa ni kuanzia mwezi wa tatu,wa nne mpaka mwezi wa sita hapo ambapo huwa pesa hakuna.Msanii anapiga show na hakuna chochote anapata, season ikiwa sawa, show wanazipatia wasanii wa mataifa ya nje .Inakera sana!,asema Mitaa kwa uchungu. Ipo haja ya kubadilisha hali halisi ya burudani Malindi ili wasanii waweze kupiga hatua mziki kama ajira.