MIMI AMA WEWE? / NANI ANASTAHILI KUWA CORONA?

Janga hili la Corona limeleta makubwa duniani likiacha gumzo na vitimbi vya kila aina miongoni mwa watu mbalimbali.Wasanii nao wanajitahidi kuwa mstari wa mbele kutoa hamasisho kwa jamii kupitia tunzi zao tofauti.Miungano ya wasanii pia inadhihirika yote kwa ajili ya kutoa ujumbe unaohusiana na kujikinga na kuepuka janga hili.Rapa na mkali wa freestyle kutoka mjini Malindi anayejulikana kama Young Njita ni baadhi ya wasanii waliojitokeza kuhamasisha jamii kuhusiana na janga la Corona.Hivi majuzi Njita alizindua kibao chake "NAITWA CORONA" ambacho ndani yake anaelezea chimbuko na jinsi homa hiyo inavyosambaa kwa kasi.Cha kumshangaza na kumkera Young Njita ni kuwa kulitokea msanii mwengine aliyezindua kibao chake pia kwa jina hilo "NAITWA CORONA".

Msanii huyo mwenye makazi Watamu,anayejulikana kama Trillionaire ndiye anayelaumiwa kuwa kaiga wazo zima la Young Njita la "NAITWA CORONA".

 NUKTASABA bado tunafuatilia na kumtafuta msanii Trillionaire ili aweze kuongea upande wake wa hili swala.Je,wewe kama shabiki wa mziki wetu unalipi la kuchangia? Sikiliza ngoma zote mbili hapo chini halafu usisahau kutuachia maoni yako.

NAITWA CORONA - YOUNG NJITA

NAITWA CORONA - TRILLIONAIRE